16.01.2024
14 студзеня ў РЦК адбыўся вялікі святочны канцэрт "Музыка Раства". Навучэнцы Капыльскай
дзіцячай школы мастацтваў у гэты зімовы дзень дарылі гледачам свае адкрытыя сэрцы. Для сваіх
бацькоў, родных, сяброў і знаёмых, прыхаджан храма і ўсіх прысутных у зале навучэнцы школы з
радасцю дарылі сваю творчасць. Спявалі прыгожыя калядныя песні, заварожвалі позірк
танцавальнымі нумарамі, выконвалі цікавыя музычныя творы на розных інструментах. Гледачы
актыўна і горача падтрымлівалі юных артыстаў бурнымі апладысментамі і авацыямі. Канцэрт
прайшоў у цёплай, дамашняй і святочнай атмасферы.
